Pressemelding fra Unipub:

Vilborg Hovet
Den illustrerte boka
Historia om norsk bokillustrasjon

Dette er første gong forholdet mellom norsk kunst og litteratur blir behandla i eit oversiktsverk. Vilborg S. Hovet fortel her historia om norsk, kunstnarleg illustrert skjønnlitteratur for vaksne. Ho startar med dei eldste handskriftene frå 1200-talet og dei første trykte, illustrerte norske bøkene, og endar opp i dagens digitale verd.

Den illustrerte boka omtalar over 250 norske biletkunstnarar og 330 illustrasjonar frå sentrale verk i norsk bokhistorie. Den er skriven for alle som er interesserte i litteratur og kunst, og dei som har litteratur og kunst som yrke.

Vilborg S. Hovet er dr.art. med kunsthistorie, norsk hovudfag, fransk og idéhistorie. Ho har vore programsekretær i NRK, lektor i vidaregåande skole og på høgskule.